Cantos de cego da Galiza e Portugal é un espectáculo sobre este personaxe singular na cultura universal e o seu repertorio musical a ambas beiras do Miño. Un conxunto de cancións de temática común: crimes, romances, parrafeos de namorados, desgarrada, feitos históricos,… relatos que, coma os ceguiños e ceguiñas, acompañaron a paisaxe sonora de feiras, romarías e rúas desde a Idade Media até case os nosos días.

César Prata e Ariel Ninas son os dous músicos de ambos países que recrean con variada instrumentación estas cancións. Fundamentalmente con voz, zanfona e guitarra, mais tamén con concertina, harmónica, adufes e percusións miúdas. A partes iguais melodías galegas e portuguesas, recollidas en cancioneiros ou gravadas directamente a informantes de Mesía, Pinhel, A Guarda, A Fonsagrada, Viseu… Estas cancións foron gravadas recentemente para formar parte do primeiro disco do dúo: “Cantos de cego da Galiza e Portugal” (aCentral Folque, 2016).

O disco en formato dixital

O disco en formato físico

Letras do disco CCGP

Letras orixinais e procedencias dos temas:
http://artistas.folque.com/cantos-de-cego/letras-do-disco-ccgp/

Audios:

Media:


Texto tirado do CD Cantos de cego da Galiza e Portugal

“Tenham sido muitas ceguinhas e ceguinhos desde os tempos de Homero que transmitiram um saber popular feito de histórias fabulosas que alimentaram o imaginário de gerações e gerações. Uma atividade profissional que se perdeu deste lado do mundo, mas que continua viva noutros locais. Pessoas que nos palcos onde estava o dinheiro souberam captar a atenção da audiência: o campo da feira e da romaria, a rua da cidade, a casa de quem lhes dava pousada. Performers audazes do seu tempo ou jograis medievais, souberam adaptar-se ao seu público. Um público generoso que ouvia e – desde que o povo sabe ler – comprava folhetos, corpus escrito de uma literatura de cordel muito rica e extensa: epopeias de heróis, vidas de santos, crimes horríveis de sangue, raptos e incestos, coplas picarescas, arrufos de namorados, historietas antigas ou relatos mais atuais.

Faltas de vista, mas com uma capacidade recordatória portentosa, levavam novas aos lugares que visitavam, criando, assim, um sentido de comunidade e um repertório geral de cantigas. Artistas populares para o povo. Ceguinhas e ceguinhos são a memória colectiva, o fio da transmissão oral do nosso imaginário.

Este é o nosso reconhecimento às pessoas que nos legaram as suas histórias. A todas elas e em especial aos informantes com quem aprendemos as canções que alimentam, neste disco, as nossas versões.”

Ariel Ninas e César Prata


César Prata
PrataNinas_retrato_PrataCésar Prata é un compositor e intérprete portugués de proxectos non só musicais mais tamén de teatro e cinema. O seu traballo é marcado polas conexións que posúe ao patrimonio inmaterial e, en especial, á tradición oral. Nesta área posúe varias publicacións baseadas en cantigas de cegos, de cordel e de traballo. Dos proxectos en que participou destácanse Chuchurumel, Asubío, Chukas – encomenda do IGESPAR para o Parque Arqueolóxico do Vale do Côa – e Ai! Regularmente colabora co Projecto do Teatro Municipal da Guarda. Integrado na colección ‘A IELTsar vai-se ao longe’ do IELT – Instituto de Estudos de Literatura Tradicional da Facultade de Ciencias Sociais e Humanas da Universidade Nova de Lisboa-, Cancións de Cordel, 2010. En novembro de 2013 estreou Ai!, en parcería con Suzete Marques e en febreiro de 2014 editou ‘Futuras Instalações’ o seu CD máis recente. Desde xullo de 2014 traballa no proxecto ‘Ouvir Onte’, levantamento e tratamento do patrimonio imaterial do concello de Pinhel.

Ariel Ninas
PrataNinas_retrato_NinasAriel Ninas móvese entre a tradición máis evolucionada, irrespectuosa e a contemporaneidade máis efémera. O seu primeiro grupo, foi a banda de punk-rock-skiffle-cabaret acústico “Inflatable Buddha” cos que xirou por Inglaterra durante dous anos e editou dous discos. É no seu retorno a Galiza que retoma o estudo formal da música tradicional en aCentral Folque, Centro Galego de Música Popular, da man de Óscar Fernández, ademais de formarse en cursos intensivos cos mellores zanfonistas europeos coma Valentin Clastrier, Gilles Chabenat, Matthias Loibner, Tobie Miller, Patrick Bouffard ou Germán Díaz.
Nos últimos anos toca en varios proxectos de improvisación libre froito da súa participación coa OMEGa, Orquestra de Música Espontánea de Galiza: ImaxinaSons’09 con Fred Frith, Traumzeit Festival (Duisburg) con Michael Fisher. Co Comando Delta deconstruíndo a Golpes Bajos con Germán Coppini-; co dúo de electrónica B’knob, co trío experimental Ulobit, coa música para o baile con Bitoque, sobre o bordón e as músicas tradicionais con Senhora Asem ou coa ensemble de recreacións de música medieval Pres de Cambrai. As súas colaboracións pódense escoitar nos discos de Sérgio Tannus, Xoán Curiel, Lenda Ártabra ou Alba María. Fixo a solo a BSO para a peza de danza contemporánea ”Habelas”, premio Injuve 2010 coa Cía. trasPediante.


 Promo lançamento

Ao vivo